حبيبتي...

يعمري شوكت ينتهي فراكج و لو طال الهجر حسبيني ميت اني
و يمتة اشوفج كبالي تنورين دنيتي و ساعتها انسى كل احزاني
صرت اعد نجوم الليل و احسبهن وحدة وحدة اكول تحبني لو تنساني
شفتج بحلم الدنيا ضحكتلي و ما ظل بية فكر و تيهت عنواني
حبيبتي اسمج كتبتة على كلبي و خطيتة احلى خط و الحبر دم شرياني
اخاف عليج من روحي و اغار من الهوى و اعترف صرت كلش اناني
طبعا لأنج كمر و تستاهلين بحبج اموت و انتظر و اظل اعاني
بوسة منج ترد الروح الي و ما تنوصف ولا تتفسر بيها المعاني
حبج عبالك زلزال هدني و ما خلة حيل و ربي بلوة بي بلاني
بس احلى بلوة بحياتي شغلت بالي و كلبي و هيج كل حناني
عاهدت نفسي كبال رب الكون ما ازعلج و لو اعرف اموت اني
روميو اصيرن الج و قيس اذا ردتي و عن مغازلتج فلا يوكف لساني
و لو زعلتج بيوم ما اسامح نفسي و اتمنى يوكف كلبي عساني
اسولف للناس و اكلهم اذا متحبني حبيبتي كلولها مدفون بالنجف تلكاني
مدفون بالنجف تلكاني

من طرف **zoza** الخميس نوفمبر 05, 2009 2:14 pm

حبج عبالك زلزال هدني و ما خلة حيل و ربي بلوة بي بلاني
بس احلى بلوة بحياتي شغلت بالي و كلبي و هيج كل حناني

يخبلــ هذا المقطع عاشت ايدك

حبيبتي...

حبيبتي...

رد: حبيبتي...